Light Bill Download : महाराष्ट्र राज्य वीज वितरण कंपनी लिमिटेड (Mahavitaran – MSEDCL) च्या ग्राहकांसाठी एक महत्त्वाची सूचना आहे. महावितरणने वीज बिल पाहण्याची आणि डाऊनलोड करण्याची प्रक्रिया आता बदलली आहे. सुरक्षेच्या कारणास्तव, आता केवळ ग्राहक क्रमांक टाकून थेट बिल पाहणे शक्य होणार नाही. बिल डाऊनलोड करण्यासाठी आता प्रत्येक ग्राहकाला स्वतःचे अकाउंट उघडून (रजिस्ट्रेशन करून) लॉग-इन करणे आवश्यक आहे.
या नवीन प्रक्रियेमुळे वीज बिलाची माहिती अधिक सुरक्षित झाली आहे. सामान्य नागरिकांसाठी ही नवीन प्रक्रिया अत्यंत सोप्या टप्प्यांमध्ये खालीलप्रमाणे दिली आहे.
तुमच्या मोबाईलवरून Light Bill Download करण्याची नवीन प्रक्रिया
वीज बिल डाऊनलोड करण्यासाठी तुम्हाला एकूण चार टप्पे पूर्ण करावे लागतील:
१: नवीन वापरकर्ता म्हणून नोंदणी (User Registration)
- अधिकृत वेबसाईटवर जा: सर्वात आधी wss.mahadiscom.in या महावितरणच्या अधिकृत वेबसाईटवर जा.
- नोंदणी पर्याय निवडा: ‘To View / Download Bill PDF using Login and Register’ या खालील ‘क्लिक हिअर फॉर युजर रजिस्टर’ (Click here for user register) या बटनावर क्लिक करा.
- माहिती भरा: येथे तुमचा ग्राहक क्रमांक, मोबाईल नंबर आणि ईमेल आयडी व्यवस्थित भरा.
- OTP पडताळणी: ईमेल आयडी टाकल्यानंतर ‘ओटीपी पाठवा’ (Send OTP) वर क्लिक करा. तुमच्या ईमेलवर आलेला OTP टाकून पडताळणी पूर्ण करा.
- पासवर्ड तयार करा: आता तुम्हाला एक प्रवेश नाम (Username) आणि एक परवलीचा शब्द (Password) सेट करावा लागेल. हा पासवर्ड लक्षात ठेवा.
- नोंदणी पूर्ण करा: सर्व माहिती भरल्यावर ‘नोंद करा’ (Register) बटनावर क्लिक करून रजिस्ट्रेशन यशस्वी करा.
२: लॉग इन करणे (Login)
- नोंदणी यशस्वी झाल्यावर पुन्हा लॉग-इन पेजवर (Login Page) या.
- तुम्ही तयार केलेले प्रवेश नाम आणि परवलीचा शब्द टाका.
- कॅप्चा (Captcha) भरून ‘प्रवेश’ (Login) बटनावर क्लिक करा.
- OTP पडताळणी: सुरक्षिततेसाठी तुमच्या मोबाईल नंबरवर एक OTP येईल. तो टाकून ‘व्हॅलिडेट ओटीपी’ (Validate OTP) करा.
३: ग्राहक क्रमांक जोडणे (Add Consumer Number)
- लॉग-इन केल्यानंतर तुम्हाला ‘डब्ल्यूएसएस खात्याची ग्राहक जोडण्यासाठी’ चा पर्याय दिसेल.
- ग्राहकाचा प्रकार (LT/HT) निवडा.
- तुमचा ग्राहक क्रमांक आणि बिलिंग युनिट (Billing Unit) अचूक भरा.
- ‘जोडा’ (Add) पर्यायावर क्लिक करा. पुन्हा एकदा OTP येईल, तो टाकून तुमचा ग्राहक क्रमांक तुमच्या अकाउंटला जोडा.
४: वीज बिल पाहणे आणि डाऊनलोड करणे
- ग्राहक क्रमांक जोडल्यानंतर तुमच्या अकाउंटखाली तुम्हाला तुमचे लाईट बिल दिसेल.
- बिल पाहण्यासाठी आणि डाऊनलोड करण्यासाठी असलेल्या ‘ई’ चिन्हावर (E Symbol) क्लिक करा.
- येथे वरच्या बाजूला असलेल्या ‘प्रिंट / डाऊनलोड’ (Print / Download) पर्यायावर क्लिक करून तुम्ही तुमच्या वीज बिलाची PDF फाईल मोबाईलमध्ये सेव्ह (Save) करू शकता.
महत्त्वाची टीप: यापुढे फक्त नोंदणीकृत वापरकर्तेच (Registered Users) लॉग-इन करून स्वतःचे बिल पाहू आणि डाऊनलोड करू शकणार आहेत, याची कृपया नोंद घ्यावी.